| s-1
| Закон Рэспублiкi Беларусь Аб асабiстых падсобных гаспадарках грамадзян |
| s-2
| Прыняты Палатай прадстаўнiкоў 3 кастрычнiка 2002 года |
| s-3
| Адобраны Саветам Рэспублiкi 23 кастрычнiка 2002 года |
| s-4
| Гэты Закон вызначае прававыя асновы вядзення грамадзянамi Рэспублiкi Беларусь асабiстай падсобнай гаспадаркi, а таксама меры па яе дзяржаўнай падтрымцы. |
| s-5
| Артыкул 1. |
| s-6
| Заканадаўства Рэспублiкi Беларусь аб асабiстых падсобных гаспадарках грамадзян |
| s-7
| Адносiны, звязаныя з вядзеннем грамадзянамi Рэспублiкi Беларусь (далей — грамадзяне) асабiстых падсобных гаспадарак і дзяржаўнай падтрымкай гэтых гаспадарак, рэгулююцца Грамадзянскiм кодэксам Рэспублiкi Беларусь, Кодэксам Рэспублiкi Беларусь аб зямлi, гэтым Законам і iншымi нарматыўнымi прававымi актамi Рэспублiкi Беларусь. |
| s-8
| Артыкул 2. |
| s-9
| Асабiстая падсобная гаспадарка грамадзян |
| s-10
| Асабiстая падсобная гаспадарка грамадзян — форма гаспадарча-працоўнай дзейнасцi грамадзян па вытворчасцi сельскагаспадарчай прадукцыi, заснаваная на выкарыстаннi зямельных участкаў, якiя знаходзяцца ў прыватнай уласнасцi, у пажыццёвым спадчынным валоданнi, перададзеных iм у арэнду для вядзення асабiстай падсобнай гаспадаркi. |
| s-11
| У асабiстай падсобнай гаспадарцы грамадзян на праве прыватнай уласнасцi могуць знаходзiцца гаспадарчыя пабудовы і збудаваннi, жывёла, птушка, шматгадовыя насаджэннi, ва ўстаноўленым заканадаўствам Рэспублiцы Беларусь парадку — транспартныя сродкi, а таксама iншая маёмасць, не забароненая заканадаўствам Рэспублiкi Беларусь. |
| s-12
| Звесткi аб асабiстай падсобнай гаспадарцы грамадзян заносяцца ў пагаспадарчую кнiгу сельскага (пасялковага) выканаўчага і распарадчага органа ў парадку, устаноўленым заканадаўствам Рэспублiкi Беларусь. |
| s-13
| Статыстычныя даныя аб вырабленай грамадзянамi ў асабiстых падсобных гаспадарках сельскагаспадарчай прадукцыi складаюцца ўпаўнаважаным на тое рэспублiканскiм органам дзяржаўнага кiравання па пытаннях статыстыкi і аналiзу на падставе даных, прадстаўляемых у гэты орган сельскiмi (пасялковымi) выканаўчымi і распарадчымi органамi, а таксама праводзiмых у парадку, устаноўленым заканадаўствам Рэспублiкi Беларусь, аднаразовых улiкаў і абследаванняў асабiстых падсобных гаспадарак і iншых звестак. |
| s-14
| Артыкул 3. |
| s-15
| Вядзенне асабiстай падсобнай гаспадаркi грамадзян |
| s-16
| Грамадзяне ажыццяўляюць вядзенне асабiстай падсобнай гаспадаркi па свайму меркаванню і пад сваю адказнасць. |
| s-17
| Дзейнасць грамадзян, якiя ажыццяўляюць вядзенне асабiстых падсобных гаспадарак, па вытворчасцi, перапрацоўцы і рэалiзацыi вырабленай імі сельскагаспадарчай прадукцыi не адносiцца да прадпрымальнiцкай дзейнасцi. |
| s-18
| Умяшанне дзяржаўных органаў у дзейнасць грамадзян па вядзенню асабiстай падсобнай гаспадаркi не дапускаецца, за выключэннем выпадкаў, устаноўленых заканадаўчымi актамi Рэспублiкi Беларусь. |
| s-19
| Грамадзяне, правы якiх на вядзенне асабiстай падсобнай гаспадаркi парушаны, маюць права прад’яўляць патрабаваннi па кампенсацыi нанесеных iм страт, у тым лiку ўпушчанай выгады, па кампенсацыi маральнага ўрону, а таксама па аднаўленню парушаных правоў у парадку, устаноўленым заканадаўствам Рэспублiкi Беларусь. |
| s-20
| Замежныя грамадзяне і асобы без грамадзянства, якiя пастаянна пражываюць у Рэспублiцы Беларусь, могуць весцi асабiстую падсобную гаспадарку на тэрыторыi Рэспублiкi Беларусь у парадку і на ўмовах, устаноўленых гэтым Законам і iншымi нарматыўнымi прававымi актамi Рэспублiкi Беларусь. |
| s-21
| Артыкул 4. |
| s-22
| Правы грамадзян, якiя ажыццяўляюць вядзенне асабiстай падсобнай гаспадаркi |
| s-23
| Грамадзяне, якiя ажыццяўляюць вядзенне асабiстай падсобнай гаспадаркi, маюць права: узводзiць ва ўстаноўленым заканадаўствам Рэспублiкi Беларусь парадку гаспадарчыя пабудовы і збудаваннi, неабходныя для вядзення асабiстай падсобнай гаспадаркi, на зямельных участках, якiя прадастаўлены iм у пажыццёвае спадчыннае валоданне і знаходзяцца ў прыватнай уласнасцi; |
| s-24
| самастойна весцi гаспадарку на зямельных участках, прадастаўленых iм для вядзення асабiстай падсобнай гаспадаркi; |
| s-25
| праводзiць любыя здзелкi, якiя не супярэчаць заканадаўству Рэспублiкi Беларусь, звязаныя з вядзеннем асабiстай падсобнай гаспадаркi, мець iншыя маёмасныя і немаёмасныя правы; |
| s-26
| выкарыстоўваць прыцягнутую на добраахвотных пачатках і дагаворных умовах маёмасць, у тым лiку грашовыя сродкi юрыдычных і фiзiчных асоб, неабходныя для вядзення асабiстай падсобнай гаспадаркi. |