| s-1
| LÚ-d-AMAR-UTU LUGAL KÁ-DINGIR-RA-KI GIBIL-iš é-sag-íl ù é-zi-da DUMU d-AG-ku-dúr-ri-ÙRU LUGAL TIN-TIR-KI |
| s-2
| É-GAL LÚ-dAMAR-UTU LUGAL TIN-⸢TIR⸣-[KI] IBILA d-AG-ku-dúr-ri-ÙRU LUGAL TIN-⸢TIR⸣-[KI] |
| s-3
| 1 qa |
| s-4
| É-GAL LÚ-[d]⸢AMAR-UTU⸣ |
| s-5
| 1 BÁN 6 1/2 NINDA ša É-GAL LÚ-dAMAR-UTU LUGAL |
| s-6
| 2 qa [xxx] |
| s-7
| É-GAL LÚ-d-AMAR-UTU ⸢LUGAL⸣ [TIN-TIR-KI] DUMU d-MUATI-NÍG-DU-ÙRU LUGAL [TIN-TIR-KI] |
| s-8
| 3 1/3 NINDA |
| s-9
| É-GAL LÚ-d-AMAR-UTU LUGAL TIN-TIR-KI DUMU d-MUATI-⸢NÍG-DU-ÙRU⸣ LUGAL TIN-TIR-KI |
| s-10
| D-na-bi-um-IBILA-ú-ṣu-úr LUGAL KÁ-DINGIR-RA-KI ti-ri-iṣ qá-ti d-na-bi-um ù d-AMAR-UTU a-na-ku |
| s-11
| im-gur-d-EN-LÍL BÀD ra-bí-a-am ša KÁ-DINGIR-RA-KI ša ul-la-nu-ú-a i-ni-šu i-qú-pu in ki-gal-lim re-eš-ti-im ú-ki-in uš-ši -šu |
| s-12
| in um-ma-nim di-ku-ut ma-ti -ia eš-ši-iš lu ab-ni -ma a-na IM LÍMMU-BA KÁ-DINGIR-RA-KI lu ú-ša-às-ḫi-ir |
| s-13
| ki-ma ša u₄-um ul-lu-tim re-ši -šu lu ú-ul-lu |
| s-14
| BÀD a-na d-AMAR-UTU EN -ia da-mi-iq-ta ti-iz-ka-ar |
| s-15
| d-na-bi-um-IBILA-ú-ṣur LUGAL ba-bi-lim-KI ti-ri-iṣ ŠU-II d-AG ù d-AMAR-UTU ana-ku |
| s-16
| im-gur-d-EN-LÍL BÀD ra-ba-a ša ba-bi-lim-KI ul-tu GÚ ÍD-a-ra-aḫ-tim UŠ AN-TA šá KÁ-GAL-d-INANNA a-di UŠ KI-TA ša KÁ-GAL-duraš te-me-en -šu la-bi-ri ú-ṣab-bi -ma mi-it-ḫa-ri-iš a-na d-AMAR-UTU EN -ia lu-ú e-pu-uš |
| s-17
| BÀD a-na d-AMAR-UTU qí-bi SIG₅-ti |
| s-18
| d-AG-IBILA-ÙRU LUGAL mi-ša-ri RE-É-UM ni-bi-it d-AMAR-UTU bi-nu-ut d-nin-men-na ru-ba-ti ṣi-ir-tim šar-rat šar-ra-a-tim ti-ri-iṣ qá-ti d-AG ù d-taš-me-tum NUN na-ra-am d-nin-ši-kù |
| s-19
| i-nu-um i-na mé-eṣ-ḫe-ru-ti -ia DUMU la ma-am-ma-na-ma a-nu-ku-ma áš-rat d-AG ù d-AMAR-UTU EN -e-a áš-te-né-eʾ-e-a ka-a-a-nim šá ku-un-ni pa-ar-ṣi -šu-nu ù šu-ul-lu-mu ki-du-de-e -šu-nu i-ta-ma-a ka-ba-at-tim a-na kit-ti ù mi-ša-ri ba-ša-a uz-na -a-a |
| s-20
| d-šà-zu EN mu-du-ú ŠÀ DINGIR-ME ša AN-e ù KI-tim ša ta-ka-la-at ni-ši-im i-bar-ru-ú ka-a-a-ni ia-a-ši-im ṣa-aḫ-ra-am ša i-na ni-ši la ut-tu-ú šá ŠÀ -ía ib-re-e -ma i-na KUR ab-ba-nu-ú iš-ku-na-an-ni a-na re-še-e-ti |
| s-21
| a-na be-lu-ut ma-a-ti ù ni-šu it-ta-bi ni-bi-ta ú-šá-lik d-LAMMA dum-qí ina i-di -ía i-na mim-ma e-te-ep-pu-šu-um ú-ša-li-im ši-ip-ra-am |
| s-22
| d-NÈ-ERI₁₁-GAL dan-dan-ni DINGIR-MEŠ ú-ša-li-ik i-da -a-a i-na-ar a-a-bi -ia ú-ša-am-qì-it ga-ri -ia |
| s-23
| áš-šu-ru-ú šá i-na ze-ru-ut DINGIR-MEŠ ma-at-ak-ka-di-i i-bé-lu -ma i-na ni-ri -šu ka-ab-tim ú-šá-az-zi-qu ni-ši ma-a-ti a-na-ku en-šu pí-is-nu-qu mu-uš-te-eʾ-ú EN EN-EN i-na e-mu-qí ga-áš-ra-a-tim šá d-AG ù d-AMAR-UTU EN-MEŠ -e-a ul-tu ma-at-ak-ka-di-i še-ep -šu-nu ap-ru-us -ma ni-ir -šu-nu ú-ša-ad-di-im |
| s-24
| ì-nu-šu d-AG-IBILA-ÙRU LUGAL ba-bi-lu-KI mu-ṭib ŠÀ d-AG ù d-AMAR-UTU a-na-ku |
| s-25
| im-gur-d-EN-LÍL BÀD ra-ba-a šá ba-bi-lim-KI ⸢BULUG⸣ reš-ta-a šá iš-tu ṣa-a-tim šu-pu-ú ki-sur-ra-a šu-úr-šu-du ša la-bar du-úr UD-MEŠ ki-in-na-a zaq-ru šá šit-nu-nu šá-ma-mi tuk-šu dan-nu e-di-il pi-i KUR a-a-bi TÙR šum-du-lu ša d-i-gi₄-gi₄ ki-sal-lu pal-ka-a ša d-a-nun-na-ki mé-lit ša-ma-mi sim-mi-lat ga-an-zèr ⸢na⸣-an-za-az d-lugal-gìr-ra ù d-mes-lam-ta-è ib-rat šá d-INANNA šar-rat ra-bi-tim maš-kan til-pa-nu ša d-da-gan qu-ra-du TÙR ka-ra-šu šá qar-ra-du d-MAŠ É ki-di-ni šá d-a-nu-um ù d-EN-LÍL a-šar GIŠ-ḪUR-MEŠ nak-la-a-ti ša d-é-a EN eridu-KI qaq-qar ni-ṣir-tim šá DINGIR-MEŠ GAL-MEŠ ša d-i-gi₄-gi₄ ù d-a-nun-na-ki i-na nu-ug ŠÀ -šú-nu ú-kin-nu te-me-en -šu nak-liš uš-ta-aṣ-bu-ú ú-ul-lu-ú SAG -šú i-na la-bar UD-MEŠ i-ni-iš i-qu-up -ma i-na zu-un-nim ù ra-a-di ra-bu-tú ut-ta-as-sú-ú i-ga-ru -šú te-mé-en -šu ik-kam-ru -ma iš-ša-ap-ku ti-la-ni-iš |
| s-26
| ad-kam -ma um-ma-na-at d-EN-LÍL d-UTU ù d-AMAR-UTU ú-šá-áš-ši GIŠAL e-mid tup-šik-ku |
| s-27
| ul-tu GÚ ÍD-a-ra-aḫ-tim šid-di e-li-i ša KÁ-GAL-d-INANNA a-di GÚ ÍD-a-ra-aḫ-tim šid-di šá-ap-li-i ša KÁ-GAL-duraš e-pe-ri -šu kam-ru-tu as-sú-uḫ -ma te-me-en -šu la-bi-ru a-ḫi-iṭ ab-re-e -ma i-na áš-ri reš-ti-i li-bit-ta -šú lu-ú ad-di |
| s-28
| i-na i-ra-at ki-gal-la i-šid -su lu-ú ú-šar-ši-id |
| s-29
| e-bi-iḫ dan-num BAL-RI d-UTU-È lu-ú ú-ša-as-ḫi-ir |
| s-30
| d-AG-IBILA-ÙRU áš-ri kan-šu pa-li-iḫ d-AG ù d-AMAR-UTU RE-É-UM mu-ṭib ŠÀ d-pa₄-nun-an-ki ḫa-aʾ-iṭ te-me-en-na la-bi-ri ša ba-bi-lim-KI mu-ut-tu-ú SIG₄ šá à-aḫ-ra-tim mu-uš-te-eṣ-bi ki-gal-lu reš-ti-i ša du-ur UD-MEŠ ṣa-bit GIŠAL ša d-i-gi₄-gi₄ za-bil tup-šik-ku ša d-a-nun-na-ki e-piš im-gur-d-EN-LÍL a-na d-AMAR-UTU EN -ia a-na-ku-ma |
| s-31
| ma-na-ma LUGAL aḫ-ra-a-tim a-ma-tu -ú-a na-as-qá-a-tim a-na la šu-us-sú-ki el qí-ba-a-ti -ía a-mat a-na la šub-ši-i ni-iš d-AMAR-UTU be-li -ia ù d-UTU DINGIR -ia az-kur |
| s-32
| šum-ma i-nim-ma -a-a sur-ra-tu-ma la ka-a-a-an-tu-um-ma |
| s-33
| i-na u₄-mi -šu-ma ṣa-lam LUGAL-ti a-lik ma-aḫ-ri -ia šá BÀD šu-a-ti i-pu-šu a-mu-úr i-na áš-ri ki-i-nu te-me-en-na ra-bi-i it-ti ALAM -ia lu-ú ú-ki-in a-na du-ur UD-MEŠ |
| s-34
| ma-na-ma LUGAL ma-ti-ma lu DUMU lu DUMU-DUMU a-lik ár-ki -ía šá d-AMAR-UTU a-na be-lu-ut KUR i-nam-bu-ú zi-kir -šú šá e-mu-qí ù da-na-nu e taš-du-ud ana ŠÀ -ka áš-rat d-AG ù d-AMAR-UTU ši-te-eʾ-e -ma li-na-ru ga-ri-ka |
| s-35
| d-AMAR-UTU EN i-ḫa-ṭu pi-i i-bar-ri ŠÀ šá KI d-EN ki-num i-ku-un-na iš-da -šú šá KI DUMU d-EN ki-num ú-la-bar a-na da-ra-ti |
| s-36
| ì-nu-ma BÀD šu-a-ti in-na-ḫu -ma tu-pa-áš-šá-ḫu an-ḫu-us -sú ki-i šá mu-šar-re-e LUGAL a-lik ma-aḫ-ri -ía a-mu-ru -ma a-šar -šú la ú-nak-ki-ru ši-ṭir MU -ía a-mur -ma KI mu-šar-re -ka šu-kun |
| s-37
| i-na qí-bit d-AMAR-UTU EN GAL-i šá la in-nen-nu-ú qí-bit -sú zi-ki-ir šu-mì -ka liš-šá-kin ana u₄-me da-ru-tú |
| s-38
| a-na d-AMAR-UTU EN -šú d-MUATI-A-ÙRU LUGAL KÁ-DIŠ-DIŠ-KI KAR a-gur-ru ana ki-da-nu BÀD ba-li-i-lu ú-šá-as-ḫir |
| s-39
| KAR a-na d-AMAR-UTU MUNUS-SIG₅ -šú qí-ba |
| s-40
| a-na d-AMAR-UTU EN -šú d-AG-IBILA-ú-ṣur LUGAL KÁ-DINGIR-RA-KI ti-ri-iṣ ŠU-II d-AG ù d-AMAR-UTU KAR a-gur-ri a-na ki-da-nu BÀD KÁ-DINGIR-RA-KI ú-šá-as-ḫi-ir |
| s-41
| KAR a-na d-AMAR-UTU MUNUS-SIG₅ -šú qí-bi |
| s-42
| d-AG-IBILA-ú-ṣur LUGAL KÁ-DINGIR-RA-KI ti-ri-iṣ ŠU-II d-AG ù d-AMAR-UTU za-nin é-sag-íl ù KÁ-DINGIR-RA-KI DÙ-ìš KAR ÍD-a-ra-aḫ-ti a-na d-AMAR-UTU EN -šú |
| s-43
| KAR a-na d-AMAR-UTU MUNUS-SIG₅ -šu qí-bi |
| s-44
| d-na-bi-um-IBILA-ÙRU LUGAL KÁ-DINGIR-RA-KI GÌR-NÍTA KUR-šu-me-ri u URI-KI mu-ki-in iš-di MA-DA a-na-ku |
| s-45
| ì-nu-um d-AMAR-UTU EN GAL-ú KUR u ni-ši-im a-na be-lim i-din-nam KUR a-a-bi -ia ša-la-lam iq-ba-am |
| s-46
| Ì-nu-mi-šu é-temen-an-ki e-eš-ši-iš e-pu-uš -ma a-na aš-ri -šu ú-te-er |
| s-47
| [i-nu d-AMAR]-⸢UTU⸣ LUGAL kiš-šat AN-e u KI-tim x [xx šá ina] x-si-šú ú-nam-mu-[ú xx] x-ni-šú [xx ra-pa]-áš uz-nam xxx[xx ḫa-a-a-iṭ ki]-ib-ra-a-tim [xx ṣi-it] ⸢lìb-bi -šu⸣ GAL ma-ṭu-ú iš-šak-na a-na e-nu-tu ma-ti -šú x[xx] ⸢tam-ši⸣-li ú-ša-áš-ki-na ṣe-ru -šu-un |
| s-48
| ta-am-ši-li é-sag-íl i-te-[pu-uš -ma xx]-⸢tim⸣ a-na úri-KI ù si-it-ta-tì ma-ḫa-za |
| s-49
| pa-ra-aṣ la si-ma-ti -šu-nu ta-[ak-li-im la me-si xx la] pa-liḫ ú-mi-ša-am-ma id-de-né-eb-bu-ub ù ⸢a-na ma-ag⸣-ri-tim sat-tuk-ku ú-šab-ṭi-li ú-⸢la⸣-[ap-pi-it pél-lu-de-e xx iš]-tak-ka-an qé-reb ma-ḫa-zi |
| s-50
| pa-la-ḫa d-AMAR-UTU LUGAL DINGIR-MEŠ ⸢ig-mur⸣ kar-šu-uš -šu |
| s-51
| le-mu-ut-ti URU -šu [i]-⸢te⸣-né-ep-pu-⸢uš⸣ u₄-mi-ša-am -⸢ma⸣ xx [xx] |
| s-52
| ⸢UN⸣-MEŠ -šú i-na ab-ša-a-ni la ta-ap-šu-úḫ-tim ú-ḫal-li-iq |
| s-53
| kul-lat -si-in a-na ta-zi-im-ti -ši-na D-EN-LÍL DINGIR-MEŠ ez-zi-iš i-gu-ug -⸢ma⸣ [xx] ki-su-úr -šu-un |
| s-54
| DINGIR-MEŠ a-ši-ib lìb-bi -šu-nu i-zi-bu at-⸢ma⸣-an -šu-un i-na ug-ga-ti ša ú-še-ri-bi a-na qé-reb šu-an-na-KI |
| s-55
| d-AMAR-UTU ⸢ti⸣-[iz-qa-ru d-EN-LÍL DINGIR]-⸢MEŠ⸣ us-sa-aḫ-ra a-na nap-ḫar da-ád-mi ša in-na-du-ú šu-bat -su-un ù UN-MEŠ-KUR šu-me-ri ù URI-KI ša i-mu-ú ša-lam-ta-áš ú-sa-⸢aḫ⸣-ḫi-ir ka-⸢bat⸣-[ta-áš] ir-ta-ši ta-a-a-ra |
| s-56
| kul-lat ma-ta-a-ta ka-li -ši-na i-ḫi-iṭ ib-re-e-ma iš-te-eʾ-e -ma ma-al-ki i-šá-ru bi-bil lìb-bi -ša it-ta-ma-aḫ qa-tu-uš -šu m-ku-ra-áš LUGAL URU-an-ša-an it-ta-bi ni-bi-it -su a-na ma-li-ku-tim kul-la-ta nap-ḫar iz-zak-ra šu-⸢um -šú⸣ |
| s-57
| KUR-qu-ti-i gi-mir um-man-man-da ú-ka-an-ni-ša a-na še-pi -šu |
| s-58
| UN-MEŠ ṣal-mat SAG-DU ša ú-ša-ak-ši-du qa-ta-a -šú i-na ki-it-tim ù mi-šá-ru iš-te-né-eʾ-e-ši-na-a-tim |
| s-59
| d-AMAR-UTU EN GAL ta-ru-ú UN-MEŠ -šú ep-še-e-ti -ša dam-qa-a-ta ù lìb-ba -šu i-ša-ra ḫa-di-iš ip-pa-li-⸢is⸣ |
| s-60
| a-na URU -šu KÁ-DINGIR-MEŠ-KI a-la-ak -šu iq-bi |
| s-61
| ú-ša-aṣ-bi-it -su -ma ḫar-ra-nu TIN-TIR-KI ki-ma ib-ri ù tap-pe-e it-tal-la-ka i-da-a -šu |
| s-62
| um-ma-ni -šu rap-ša-a-tim ša ki-ma me-e ÍD la ú-ta-ad-du-ú ni-ba -šu-un GIŠ-TUKUL-MEŠ -šu-nu ṣa-an-du-ma i-ša-ad-di-ḫa i-da-a -šu |
| s-63
| ba-lu qab-li ù ta-ḫa-zi ú-še-ri-ba-áš qé-reb šu-an-na-KI |
| s-64
| URU -šu KÁ-DINGIR-MEŠ-KI i-ṭi-ir i-na šap-ša-qí m-d-AG-NÍ-TUKU LUGAL la pa-li-ḫi -šu ú-ma-al-la-a qa-tu-uš -šú |
| s-65
| UN-MEŠ TIN-TIR-KI ka-li -šu-nu nap-ḫar KUR-šu-me-ri u URI-KI ru-bé-e ù šak-ka-nak-ka ša-pal -šu ik-mi-sa ú-na-áš-ši-qu še-pu-uš -šu |
| s-66
| iḫ-du-ú a-na LUGAL-ú-ti -šú im-mi-ru pa-nu-uš -šú-un |
| s-67
| be-lu ša i-na tu-kul-ti -ša ú-bal-li-ṭu mi-tu-ta-an i-na pu-uš-qu ù ú-de-e ig-mi-lu kul-la-ta-an ṭa-bi-iš ik-ta-ar-ra-bu -šu iš-tam-ma-ru zi-ki-ir -šu |
| s-68
| a-na-ku m-ku-ra-áš LUGAL kiš-šat LUGAL GAL LUGAL dan-nu LUGAL TIN-TIR-KI LUGAL KUR-šu-me-ri ù ak-ka-di-i LUGAL kib-ra-a-ti er-bé-et-tim DUMU m-ka-am-bu-zi-ia LUGAL GAL LUGAL URU-an-ša-an DUMU DUMU m-ku-ra-áš LUGAL GAL LUGAL URU-an-ša-an ŠÀ-BAL-BAL m-ši-iš-pi-iš LUGAL GAL LUGAL URU-an-šá-an NUMUN da-ru-ú ša LUGAL-ú-tu ša d-EN u d-AG ir-a-mu pa-la-a -šu a-na ṭu-ub lìb-bi -šú-nu iḫ-ši-ḫa ⸢LUGAL⸣-ut -su e-nu-ma a-⸢na qé⸣-reb TIN-TIR-KI e-ru-bu sa-li-mi-iš i-na ul-ṣi ù ri-ša-a-tim i-na É-GAL ma-al-ki ar-ma-a šu-bat be-lu-tú |
| s-69
| D-AMAR-UTU EN GAL lìb-bi ri-it-pa-šu ša ra-⸢im⸣ TIN-TIR-KI ši-⸢ma-a-tiš iš-ku-na⸣ -an-ni- -ma u₄-mi-šam a-še-eʾ-a pa-la-⸢aḫ⸣ -šú |
| s-70
| um-ma-ni -ia rap-ša-tim i-na qé-reb TIN-TIR-KI i-ša-ad-di-ḫa šu-ul-ma-niš |
| s-71
| nap-ḫar ⸢KUR⸣-[šu-me-ri] ⸢ù⸣ URI-KI mu-gal-⸢li⸣-tim ul ú-šar-ši |
| s-72
| ⸢URU-KI⸣ KÁ-DINGIR-RA-KI ù kul-lat ma-ḫa-zi -šu i-na ša-li-im-tim áš-te-eʾ-e |
| s-73
| DUMU-MEŠ TIN-TIR-[KI xx] ⸢ša⸣ ki-ma la lìb-[bi] ⸢DINGIR⸣ -ma ab-šá-a-ni la si-ma-ti -šú-nu šu-ziz-⸢zu⸣ an-ḫu-ut -su-un ú-pa-áš-ši-ḫa ú-ša-ap-ṭi-ir sa-ar-ma -šu-nu |
| s-74
| a-na ep-še-e-ti -[ia dam-qa-a-ti] d-AMAR-UTU EN ⸢GAL⸣-ú iḫ-de-e -ma a-na ia-a-ti m-ku-ra-áš LUGAL pa-li-iḫ -šu ù m-ka-am-bu-zi-ia DUMU ṣi-it lìb-bi -[ia ù a]-⸢na⸣ nap-⸢ḫar⸣ um-ma-ni -ia da-am-qí-iš ik-ru-ub -ma i-na šá-lim-tim ma-ḫar -ša ṭa-bi-iš ni-it-⸢ta⸣-[al-la-ak i-na qí-bi-ti -šú] |
| s-75
| ṣir-ti nap-ḫar LUGAL a-ši-ib BÁRA-MEŠ ša ka-li-iš kib-ra-a-ta iš-tu tam-tim e-li-tim a-di tam-tim šap-li-tim a-ši-ib ⸢na⸣-[gi-i né-su-tim] LUGAL-MEŠ KUR a-mur-ri-i a-ši-ib kuš-ta-ri ka-li -šú-un bi-lat -su-nu ka-bi-it-tim ú-bi-lu -nim -ma qé-er-ba šu-an-na-KI ú-na-áš-ši-qu še-pu -ú-a |
| s-76
| iš-tu [šu-an-na]-⸢KI⸣ a-di URU-aš-šur-KI ù MÙŠ-EREN-KI a-kà-dè-KI KUR-èš-nu-nak URU-za-am-ba-an URU-me-túr-nu BÀD-DINGIR-KI a-di pa-aṭ KUR-qu-ti-i ma-ḫa-⸢za⸣ [e]-⸢ber⸣-ti ÍD-IDIGNA ša iš-tu pa-na-ma na-du-ú šu-bat -su-un DINGIR-MEŠ a-ši-ib lìb-bi -šú-nu a-na áš-ri -šu-nu ú-tir -ma ú-šar-ma-a šu-bat da-rí-a-ta kul-lat UN-MEŠ -šú-nu ú-pa-aḫ-ḫi-ra -am -ma ú-te-er da-ád-mi -šú-un |
| s-77
| ù DINGIR-MEŠ KUR-šu-me-ri ù URI-KI ša m-d-AG-NÍ-TUKU a-na ug-ga-tim EN DINGIR-MEŠ ú-še-ri-bi a-na qé-reb šu-an-na-KI i-na qí-bi-ti d-AMAR-UTU EN GAL i-na ša-li-im-tim i-na maš-ta-ki -šu-nu ú-še-ši-ib šu-ba-at ṭu-ub lìb-bi |
| s-78
| kul-la-ta DINGIR-MEŠ ša ú-še-ri-bi a-na qé-er-bi ma-ḫa-zi -šu-un u₄-mi-ša-am ma-ḫar d-EN ù d-AG ša a-ra-ku UD-MEŠ -ia li-ta-mu-ú lit-taz-ka-ru a-ma-a-ta du-un-qí -ia ù a-na d-AMAR-UTU EN -ia li-iq-bu-ú ša m-ku-ra-áš LUGAL pa-li-ḫi-ka u m-ka-am-bu-zi-ia DUMU -šú kux[xxx]⸢ib⸣ -šu-nu lu-ú za-ni-ni BÁRA-i-ni a-na UD-MEŠ ⸢SÙ⸣-[MEŠ xx] |
| s-79
| ⸢ù⸣ UN-MEŠ TIN-TIR-KI ⸢ik-tar-ra-bu⸣ LUGAL-ú-tu KUR-KUR ka-li -ši-na šu-ub-ti né-eḫ-tim ú-še-ši-ib |
| s-80
| [xx KUR]-GI-MUŠEN 2 UZ-TUR-MUŠEN ù 10 TU-GUR₄-MUŠEN-MEŠ e-li KUR-GI-MUŠEN UZ-TUR-MUŠEN-MEŠ ù TU-GUR₄-MUŠEN-MEŠ [xx u₄]-⸢mi⸣-šam ú-ṭa-aḫ-ḫi-id |
| s-81
| BÀD im-gur-d-EN-LÍL BÀD GAL-a ša TIN-TIR-⸢KI⸣ [ma-aṣ]-⸢ṣar-ta⸣ -šú du-un-nu-nù áš-te-eʾ-e -ma [xx] ka-a-ri a-gur-ru šá GÚ ḫa-ri-ṣi ša LUGAL maḫ-ri i-⸢pu⸣-[šu -ma la ú]-⸢šak-li-lu⸣ ši-pi-ir -šu |
| s-82
| [xx la ú-ša-as-ḫi-ru URU] ⸢a⸣-na ki-da-a-ni ša LUGAL ma-aḫ-ra la i-pu-šu |
| s-83
| um-man-ni -šu di-ku-⸢ut⸣ [ma-ti -šu i-na] ⸢qé-reb⸣ šu-an-na-KI |
| s-84
| [xx i-na ESIR-UD-DU]-⸢A⸣ ù SIG₄-AL-ÙR-RA eš-ši-iš e-pu-uš -ma [ú-šak-lil ši-pir -ši]-in |
| s-85
| [xx GIŠ-IG-MEŠ GIŠ-EREN MAḪ]-MEŠ ta-aḫ-lu-up-tim ZABAR as-ku-up-pu ù nu-ku-⸢še⸣-[e pi-ti-iq e-ri-i e-ma KÁ-MEŠ] -⸢ši⸣-na [ú-ra-at-ti] |
| s-86
| xx] ⸢ši⸣-ṭi-ir šu-mu šá d-AN-ŠÁR-DÙ-IBILA LUGAL a-lik maḫ-ri -[ia šá qer-ba -šu ap-pa]-⸢al⸣-sa [xx a-na áš]-⸢ri -šú⸣ |
| s-87
| D-AMAR-UTU EN GAL ba-⸢laṭ⸣ [u₄-um re-e-qú-ú-tim] [še-bé-e li-it-tu-ú-ti ku-un GIŠ-GU-ZA ù la-bar pa-le]-⸢e⸣ a-na ši-ri-ik-⸢tim⸣ [šu-úr-kam ù a-na-ku -ma xx] ⸢lìb⸣-bi -ka a-na da-rí-a-tim |
| s-88
| [ki KA xx šá-ṭir] ⸢ba⸣-ar |
| s-89
| IM m-NÍG-BA-d-AMAR-UTU A [xxx] |
| s-90
| m-ku-ra-áš LUGAL ŠÁR LUGAL KUR-aš-ša-an DUMU m-kam-bu-zi-ia LUGAL KUR-aš-ša-an |
| s-91
| DINGIR-DINGIR GAL-GAL kal KUR-KUR a-na qá-ti -ia SI-A -ma KUR šu-ub-ti né-eḫ-ti ú-še-šib |
| s-92
| m-ku-raš LUGAL KUR-KUR ra-ʾi-im é-sag-íl u é-zi-da A m-kam-bu-zi-ia MAN dan-nu a-na-ku |
| s-93
| M-an-ti-ʾu-ku-us LUGAL GAL-ú LUGAL dan-nu LUGAL ŠÁR LUGAL E-KI LUGAL KUR-KUR za-ni-in é-sag-íl ù é-zi-da IBILA SAG-KAL ša m-si-lu-uk-ku LUGAL LÚ-ma-ak-ka-du-na-a-a LUGAL E-KI a-na-ku |
| s-94
| I-nu-ma a-na e-pé-eš é-sag-íl ù é-zi-da lìb-bi ub-lam- -ma SIG₄-ḪI-A é-sag-íl ù é-zi-da ina KUR-ḫa-at-tim ina ŠU-MIN -ía el-le-ti i-na Ì-GIŠ ru-uš-ti al-bi-in -ma a-na na-de-e uš-šu ša é-sag-íl ù é-zi-da ub-bi-il |
| s-95
| Ina ITI ŠE UD 20 KAM MU 43 KAM uš-šu ša é-zi-da É ki-i-ni É d-AG šá qé-reb bar-sìp-KI ad-de-e uš-ši -šu |
| s-96
| d-AG IBILA ṣi-i-ri IGI-GÁL-LA DINGIR-MEŠ muš-tar-ḫu ša a-na ta-na-da-a-ti šit-ku-nu IBILA reš-tu-ú ša d-AMAR-UTU i-lit-ti d-e₄-ru₆-ú-a šar-rat pa-ti-qát nab-ni-ti ḫa-diš nap-li-is -ma |
| s-97
| I-na qí-bi-ti -ka ṣi-ir-ti ša la in-nen-nu-ú qí-bit -su šu-um-qu-ut ma-a-ti a-a-bi -ía ka-šá-du er-ni-it-ti -ía UGU na-ki-ri ú-šu-uz-zu i-na li-i-ti LUGAL-ú-tu mi-šá-ri pa-le-e bu-a-ri MU-AN-NA-MEŠ ṭu-ub lìb-bi še-bé-e lit-tu-tu lu ši-ri-ik-ti LUGAL-ú-ti šá m-an-ti-ʾu-ku-us ù si-lu-uk-ku LUGAL DUMU -šú a-na da-ra-a-ti |
| s-98
| DUMU ru-bé-e d-AG IBILA é-sag-íl bu-kúr d-asar-ri reš-tu-ú i-lit-ti d-e₄-ru₆-ú-a šar-rat a-na é-zi-da É ki-i-ni É d-a-nu-ti -ka šu-bat ṭu-ub lìb-bi -ka i-na ḫi-da-a-tú ù ri-šá-a-tú i-na e-re-bi -ka i-na qí-bi-ti -ka kit-ti ša la uš-tam-sa-ku li-ri-ku u₄-mi -ía li-mi-da MU-AN-NA-ti -ía li-kun GIŠ-GU-ZA -ú-a li-il-bi-ir pa-lu -ú-a i-na GIŠ-DA -ka ṣi-i-ri mu-kin pal-lu-uk-ku AN-e u KI-tim |
| s-99
| I-na pi-i -ka el-li liš-tak-ka-nu du-un-qí -ía |
| s-100
| KUR-KUR-MEŠ TA ṣi-it d-UTU-ši a-di e-re-eb d-UTU-ši lik-šu-du ŠU-MIN -a-a man-da-at-ti -ši-nu lu-us-ni-iq -ma a-na šuk-lu-lu é-sag-íl ù é-zi-da lu-bi-il |