| s-201
| Блюдѣте сѧ |
| s-202
| никтоже васъ да не прѣльститъ |
| s-203
| мъноѕи бо придѫтъ въ імѧ мое г҃лѭще |
| s-204
| азъ есмъ х҃ъ |
| s-205
| ꙇ҅ мъногꙑ прѣльстѧтъ |
| s-206
| оуслъшати же имате брани ꙇ слꙑшаниѣ брании |
| s-207
| видите |
| s-208
| не оужасаите сѧ |
| s-209
| подобаатъ бо вьсѣмъ бꙑти |
| s-210
| нъ не тогда естъ коньчина |
| s-211
| въстанетъ бо ѩ҃зкъ на ѩ҃зкъ ꙇ҅ ц҃ство на ц҃срство ꙇ бѫдѫтъ глади и пагоубꙑ ꙇ трѫси по мѣста |
| s-212
| вьсѣ же си начѧло болѣзнии |
| s-213
| Тъгда прѣдадѧтъ вꙑ въ скръбь ꙇ оубьѭтъ вꙑ ꙇ бѫдете ненавидими вьсѣми ѩ҃зкꙑ ꙇмене моего ради |
| s-214
| ꙇ тъгда съблазнѧтъ сѧ мьноѕи ꙇ дроугъ дроуга прѣдастъ ꙇ вьзненавидитъ дроугъ дроуга |
| s-215
| ꙇ мъноѕи лъжии п҃рци въстанѫтъ ꙇ прѣльстѧтъ мъногꙑ |
| s-216
| ꙇ за оумъножение безакониѣ ꙇсѧкнетъ любꙑ мъногꙑхъ |
| s-217
| прѣтръпѣвꙑ же до коньца тъ с҃пст сѧ |
| s-218
| Ꙇ҅ проповѣстъ сѧ е҃внꙉлие ц҃срствиѣ по вьсеи вьселенѣи вь съвѣдѣтельство вьсѣмъ ѩзꙑкомъ и тъгда придетъ коньчина |
| s-219
| Егда же оузьрите мръзость запоустѣниѣ реченѫѭ данииломъ п҃ркмь стоѩштѫ на мѣстѣ ꙇже чьтетъ да разоумѣваатъ Тъгда сѫштеи въ іюдеи да бѣгаѭтъ на горꙑ ꙇ иже на кровѣ да не сълазитъ вьзѧти еже естъ въ храмѣ его ꙇ иже на селѣ такожде да не възвратитъ сѧ вьспѧть вьзѧтъ ризъ своихъ |
| s-220
| Горе же непраздънꙑмъ и доѩштимъ въ тꙑ дьни |
| s-221
| Молите же сѧ да не бѫдетъ бѣство ваше зимѣ ни въ соботѫ |
| s-222
| Бѫдетъ бо тогда скрьбь велиѣ ѣкаже нѣстъ бꙑла отъ начѧла въсего мира до селѣ ни иматъ бꙑти |
| s-223
| и аще не бишѧ прѣкратили сѧ дъне ти не би оубо съпс҃л сѧ вьсѣка плъть |
| s-224
| за избъранꙑѩ же прѣкратѧтъ сѧ дьне ти |
| s-225
| тъгда аште кто вамъ речетъ се съде х҃ъ ли сьде не имѣте вѣрꙑ |
| s-226
| Въстанѫтъ бо лъжи хръсти и лъжи п҃рци и дадѧтъ знамениѣ велиѣ и чюдеса ѣко прѣльстити аште естъ възможъно избъранꙑѩ |
| s-227
| се прѣжде рѣхъ вамъ |
| s-228
| аще же рекѫтъ вамъ се въ поустꙑни естъ не изидѣте |
| s-229
| се въ съкровиштихъ |
| s-230
| не имѣте вѣрꙑ |
| s-231
| ѣкоже бо млъни исходитъ отъ въстокъ ꙇ авлѣатъ сѧ до западъ тако бѫдетъ и пришествие с҃на ч҃лчьскааго |
| s-232
| ꙇдеже бо аште бѫдетъ троупъ тоу съберѫтъ сѧ орьли |
| s-233
| абие же по скръби дьнии тѣхъ слъньце мръкнетъ и лоуна не дастъ свѣта своего ꙇ звѣздꙑ съпадѫтъ с н҃бсе ꙇ силꙑ небескꙑѩ҅ двигнѫтъ сѧ |
| s-234
| ꙇ тъгда авитъ сѧ знамение с҃на ч҃лвчъскааго на н҃бсе ꙇ тъгда въсплачѫтъ сѧ въсѣ колѣна землъскаѣ҅ ꙇ оузьрѧтъ с҃на ч҃лвчскааго грѧдѫшта на облацѣхъ небесъскꙑхъ съ силоѭ и славоѭ҄ велиеѭ҄ |
| s-235
| ꙇ посълетъ а҃нꙉлꙑ съ гласомъ велиемь трѫбънꙑмь ꙇ съберетъ избъранꙑѩ его отъ четꙑръ вѣтръ отъ к҃нцъ н҃бсъ до конецъ ихъ |
| s-236
| Отъ смоковъницѧ же наоучите сѧ притъчи |
| s-237
| егда оуже вѣѣ еѩ бѫдетъ млада и листвье прозѧбнетъ вѣсте ѣко близъ естъ жѧтва |
| s-238
| такожде и вꙑ егда оузьрите вьсѣ си вѣдите ѣко близъ естъ при двьрехъ |
| s-239
| аминь ⷢ҇лѭ вамъ ѣко не мимо идетъ родо сь доньдеже вьсѣ си бѫдѫтъ |
| s-240
| н҃бо и землѣ мимо идетъ а словеса моѣ не мимо идѫтъ |
| s-241
| а о дьни томъ и о годинѣ тои никтоже не вѣстъ ни а҃нꙉли н҃бсции тъкмо о҃тцъ единъ |
| s-242
| ѣкоже бо во дьни ноевꙑ тако бѫдетъ и въ дьни с҃на ч҃лвчскааго |
| s-243
| ѣко бо бѣхѫ въ дьни прѣжде потопа ѣдѫще и пьѭште женѧще сѧ и посагаѭште до негоже дьне вьниде ное вь ковьчегъ ꙇ не ощютишѧ доньдеже приде вода и вьзѧтъ вьсѧ тако бѫдетъ и пришествие с҃на ч҃лвчскааго |
| s-244
| тъгда дъва бѫдете на селѣ |
| s-245
| единъ поемлѭтъ |
| s-246
| а дроугꙑ оставлѣатъ сѧ |
| s-247
| дьвѣ мелѭщи въ жрънъвахъ |
| s-248
| едина поемлетъ сѧ и едина оставлѣатъ сѧ |
| s-249
| бьдите оубо ѣко не вѣсте въ кѫѭ годинѫ г҃ь вашъ придетъ |
| s-250
| се же вѣдите ѣко аще би вѣдѣлъ г҃нъ храма въ кѫѭ стражѫ тать придетъ бьдѣлъ оубо би ꙇ не би оставилъ подърꙑти храма своего |
| s-251
| сего ради и вꙑ бѫдѣте готови ѣко вь ньже не мъните часъ сн ч҃скꙑ придетъ |
| s-252
| Кто оубо естъ вѣрънꙑ рабъ и мѫдрꙑ егоже постави г҃ъ надъ домомь своимъ да дастъ имъ вь врѣмѧ пиштѫ ихъ |
| s-253
| блаженъ рабъ тъ егоже пришедъ гⷩ҇ъ свои обрѧштетъ тако творѧшта |
| s-254
| аминь г҃лѭ вамъ ѣко надъ вьсѣмь имѣниемъ поставитꙑ и҅ |
| s-255
| аште ли речетъ зълꙑ рабъ въ с҃ръдци своемь кьснитъ мои г҃нъ прити ꙇ начьнетъ бити клеврѣтꙑ своѩ ѣсти же и пити съ пиѣницами придетъ г҃нъ раба того вь день вь ньже не чаетъ ꙇ въ часъ въ ньже не вѣстъ ꙇ протешетъ і полъма ꙇ чѧсть его съ ѵ҅покритꙑ положитъ |
| s-256
| тоу бѫдетъ плачь и скрьжетъ зѫбомъ |
| s-257
| ꙇ придѫ на онъ полъ морѣ въ странѫ гадаринскѫ |
| s-258
| Ꙇ излѣзъшоу емоу ис кораблѣ абие сърѣте и отъ гробъ ч҃къ нечистомъ д҃хмъ ꙇже жилиште имѣаше въ гробѣхъ ꙇ ни желѣзномъ ѫжемь его никтоже не можааше съвѧзати зане мъногꙑ кратꙑ пѫтꙑ и ѫжи желѣзнꙑ съвѧзанѫ сѫщю прѣтръзаахѫ сѧ отъ него ѫжа желѣзна и пѫта съкроушаахѫ сѧ ꙇ никтоже его не можааше оумѫчити и вꙑ-инѫ день и ношть въ гробѣхъ и въ горахъ бѣ вьпиѩ и тлъкꙑ сѧ камениемь |
| s-259
| оузьрѣвъ же и҃са из далече тече и поклони сѧ емоу ꙇ възъпивъ гласомъ велиемь г҃ла |
| s-260
| что мьнѣ и тебѣ и҃се с҃не б҃а вꙑшънѣаго |
| s-261
| заклинаѭ тѧ б҃мъ |
| s-262
| не мѫчи мене |
| s-263
| г҃ла емоу |
| s-264
| изиди д҃ше нечистꙑи отъ ч҃лвка |
| s-265
| ꙇ въпрашаше и |
| s-266
| како ти естъ і҅мѧ |
| s-267
| ꙇ г҃ла емоу |
| s-268
| леꙉеонъ мьнѣ естъ и҅мѧ ѣко мъноѕи есмъ |
| s-269
| ꙇ молѣше и мъного да не посълетъ ихъ кромѣ странꙑ |
| s-270
| бѣ же тоу стадо свино пасомо велие при горѣ |
| s-271
| ꙇ молишѧ и вьси бѣси г҃лѭште |
| s-272
| посъли нꙑ вь свиниѩ да вь нѧ вьнидемь |
| s-273
| ꙇ абие повелѣ имъ и҃съ |
| s-274
| ꙇ ишедъше д҃си нечистии вьнидѫ вь свиниѩ ꙇ оустръми сѧ стадо по брѣгоу въ море бѣ же ихъ ѣко дъвѣ тꙑсѫшти ꙇ оутапаахѫ въ мори |
| s-275
| ꙇ пасѫшти свиниѩ бѣжашѧ ꙇ вьзвѣстишѧ въ градѣ и на селѣхъ |
| s-276
| ꙇ придѫ видѣтъ что естъ бꙑвъшее |
| s-277
| придѫ къ и҃сви и видѣшѧ бѣсъновавъшааго сѧ сѣдѧща обльчена ꙇ съмꙑслѧшта имѣвъшааго леꙉеонъ ꙇ оубоѣшѧ сѧ и повѣдѣшѧ имъ видѣвъшеи како бꙑстъ бѣсъноуемоу ꙇ о свиниѣхъ |
| s-278
| ꙇ начѧсѧ молити и отити отъ прѣдѣлъ ихъ |
| s-279
| ꙇ въходѧштю емоу въ ладиицѫ молѣаше и бѣсъновавꙑ сѧ да би съ нимь бꙑлъ |
| s-280
| ꙇ҃съ же не дастъ емоу нъ г҃ла емоу |
| s-281
| иди въ домъ твои къ твоимъ |
| s-282
| ꙇ вьзвѣсти имь елико ти г҃ъ сътвори и помилова тѧ |
| s-283
| ꙇ иде и начѧтъ проповѣдати въ декаполи елико сътвори емоу и҃съ ꙇ вьси дивлѣахѫ сѧ |
| s-284
| ꙇ прѣѣвъшю и҃сви въ кораби пакꙑ на онъ полъ събъра сѧ народъ мъногъ о немь ꙇ бѣ при мори |
| s-285
| ꙇ се приде единъ отъ архисоунагогъ ꙇменемь иаирь ꙇ видѣвъ і паде на ногоу его ꙇ молѣше и мъного г҃лѧ ѣко |
| s-286
| дъшти моѣ на коньчинѣ естъ |
| s-287
| да пришедъ възложи на нѭ рѫцѣ да с҃псна бѫдетъ и оживетъ |
| s-288
| ꙇ иде съ нимь ꙇ по немь идѣаше народъ мъногъ ꙇ оугнѣтаахѫ и |
| s-289
| ꙇ жена едина сѫшти въ точении кръве лѣтъ дьвѣ на десѧте ꙇ много пострадавъши отъ мъногъ балии ꙇ иждивъши вьсе свое ꙇ ни единоѩ польѕѧ обрѣтъши нъ паче въ горе пришьдъши слꙑшавъши о и҃сѣ пришедъши въ народѣ съ зади прикосно сѧ ризѣ его |
| s-290
| г҃лаше бо ѣко |
| s-291
| аште прикоснѫ сѧ понѣ ризѣ его с҃псна бѫдѫ |
| s-292
| ꙇ абие исѧкнѫ источьникъ кръве еѩ ꙇ разоумѣ тѣломъ ѣко цѣлѣатъ отъ ранꙑ |
| s-293
| ꙇ абье и҃съ оштюшть вь себѣ силѫ ишедъшѫ отъ него обраштъ сѧ вь народѣ г҃лаше |
| s-294
| кто прикоснѫ сѧ ризахъ моихъ |
| s-295
| ꙇ г҃лашѧ емоу оученици его |
| s-296
| видиши народъ оугнѣтаѭштъ тѧ ꙇ г҃леши |
| s-297
| къто сѧ прикоснѫ сѧ мънѣ |
| s-298
| ꙇ озирааше сѧ видѣти сътворьшѫѭ се |
| s-299
| Жена же оубоѣвъши сѧ и трепещѫшти вѣдѫщи еже бꙑстъ еи приде и припаде къ немоу ꙇ рече емоу въсѫ истинѫ |
| s-300
| и҃съ же рече еи |